शनिवार, 17 अक्तूबर 2009

फौजी ताऊ मनफूल सिंग की टैंकर भर -भर के दीवाली की बधाई!!!!




इलेक्शन का काम ख़तम होया, घणी मारा मारी थी. इब दीवाली आगी,
ताऊ बोल्या-"रमलू इलेक्शन का काम तो ख़तम हो गया.सबने मतदाता नै धन्यवाद भी देणा सै. एक काम कर कार्ड छपवा दे दीवाली के"
रमलू- "किस तरह के कार्ड छपवाने सै ताऊ जी"
ताऊ-"यार घणे दिन हो गए इलेक्शन में चक्कर काटते.कोई बढ़िया सी फिल्म की हिरोइन का फोटू लगा के दीवाली की बधाई का सन्देश लिखवा दे, तो मजा आ जावेगा." न्यू कर "वो कैटरिना कैफ की फोटू छपवा दे"
रमलू - "ताऊ आपका कहणा तो ठीक सै पण सल्लू भाई नाराज हो जागा"
ताऊ-"तो एक काम कर बेबो का फोटू लगा दे.उसते भी काम चल जागा"
रमलू- "ताऊ क्यूँ पंगे लेन लग रहया सै सूबे-सूबे"
ताऊ- "यो के बात हो गई पंगे लेन की"
 रमलू-"यो अपना पटौदी आला नवाब सै ना, उसकी छोरे की बहु बनन वाली सै सारा मामला फिट सै, वो आपका मुलाकाती नाराज हो जागा ओर आपकी दोस्ती भी खतरे में पड़ जागी"
ताऊ-"तो भाई मीना कुमारी की ही लगा दे अपणे ज़माने की किलकी पाड़ हिरोइन सै"
रमलू-"ताऊ इनती पुरानी हिरोइन की फोटू लगावेगा तो आज कल के छोरे नाराज हो जावेंगे"
ताऊ-"यार तुने बड़ा चक्कर में डाल दिया, तो फेर के करया जाये"
रमलू-"एक काम करें सै, मै अपणे आप ही कोई अच्छी सी हिरोइन देख के कार्ड में लगवा दूंगा, जो एक दम फ्रेश होगी."
ताऊ-"ओर कार्ड के साथ मै कुछ गिफ्ट भी देणा पड़ेगा ना,उसके लिए के लेना सै'
रमलू-"ताऊ एक बात सूझी मन्ने, वो अपना दारू कम्पनी वाला सै ना मालिया, उसने दीवाली पे सबने एक-एक दारू की बोतल बांटी सै. आप उसते कम थोडी हो आप भी बाँट दो"
ताऊ-"हाँ यार यो काम सही बताया, जा मेरा कैंटीन का कार्ड लेजा और यो ही लिया, आपण भी राजी और पब्लिक भी राजी"
रमलू-"यो काम ठीक करया ताऊ-सारे गाम के छोरे खुश हो जंगे."
ताऊ-"जा फेर यो काम जल्दी करके आ, दीवाली का टैम हो रहया सै."
ईब रमलू किसा कार्ड छपा के लाया वो आपके सामने सै .


आप सब नै फौजी ताऊ मनफूल सिंग की दीवाली की टैंकर भर -भर के बधाई, आप भी आओ म्हारे गाम की चौपाल पे जिन्दगी के मजे यहीं मिलेंगे. एक बार फेर दीवाली की बधाई.

आपका 
रमलू लुहार



10 टिप्‍पणियां:

Gyan Darpan ने कहा…

ताऊ मनफूल जी आज शुभकामनाओं के टेंकर से काम नहीं चलेगा आज तो बोफोर्स तोप से शुभकामनाओं के धुवांधार गोले बरसाओ |

दीवाली की आपको परिवार सहित घणी-घणी शुभकामनाएँ |

ब्लॉ.ललित शर्मा ने कहा…

भाई रतन सिंग जी थाने दिवाळी की ऊँट गाडो भर के बधाई, ओर बोफ़ार्स नै तो देश को बेड़ो ही गर्क कर दियो, क्युँ इब रिटायर होण के बाद भी कोरट मारसल करवाण की थारा मन माई आ री सै के?
थारा पूरा परिवार ओर गाँव राम नै म्हारी दिवाली की
राम-राम्।

ePandit ने कहा…

राम राम ताऊ, खालिस हरियाणवी ब्लॉग देखकै घणी खुशी होई। थाम्नै दिवाली ब्होत ब्होत मुबारक!

ब्लॉ.ललित शर्मा ने कहा…

ईपँडत जी आप नै भी दिवाळी की घणी-घणी आपने "जुगाड़" भर कै बधाई। फ़ेर आईयो कदे हाँडते फ़िरते म्हारी चौपाल मे।

खोटा सिक्का ने कहा…

ताउ मनफ़ूल सिंग जी आपको दीवाली की बधाई
बोतल खोलो और दिवाली के मजे लो फ़ौजियों की दिवाली तो ऐसे ही मनती है। कल हम भी मिलेगे चौपाल मे। बचा के रखना कही पुरी ........

मास्टर जी ने कहा…

ताऊ जी मनफ़ुल सिंग जी आपको दिवाली की बधाई
आपका ग्रीटिंग कार्ड पसंद आया।

ब्लॉ.ललित शर्मा ने कहा…

सुनील भाई,आप नै भी दिवाळी की घणी-घणी आपने "जुगाड़" भर कै बधाई। फ़ेर आईयो कदे हाँडते फ़िरते म्हारी चौपाल मे।

ब्लॉ.ललित शर्मा ने कहा…

मास्टर जी आप नै भी दिवाळी की घणी-घणी आपने "जुगाड़" भर कै बधाई। फ़ेर आईयो कदे हाँडते फ़िरते म्हारी चौपाल मे।

Udan Tashtari ने कहा…

ताऊ थारी जय हो!!

सुख औ’ समृद्धि आपके अंगना झिलमिलाएँ,
दीपक अमन के चारों दिशाओं में जगमगाएँ
खुशियाँ आपके द्वार पर आकर खुशी मनाएँ..
दीपावली पर्व की आपको ढेरों मंगलकामनाएँ!

सादर

-समीर लाल 'समीर'

शरद कोकास ने कहा…

रमलू ने यह अकल का काम किया , उसे बधाई ।

 

फ़ौजी ताऊ की फ़ौज